S.XH., rreth 60 vjeç, jeton e vetme dhe është e paaftë për të punuar. Mbijeton vetëm me ndihma sociale dhe së fundmi iu drejtua shoqatës sonë për ndihmë në mbulimin e faturave të rrymës. Kush ka mundësi të ndihmojë, çdo kontribut ka vlerë.

Bëhet fjalë për një pensionist që mbijeton me një pension minimal prej rreth 60 euro në muaj, si dhe me ndihmën sociale prej rreth 6.000 denarësh, të cilat i shfrytëzon bashkëshortja. Me këto të ardhura të pakta, familja përpiqet të përballojë jetesën e përditshme dhe njëkohësisht të kujdeset për djalin e tyre, i cili është i sëmurë, i paaftë për punë dhe me një diagnozë të rëndë. Edhe pse faturat e energjisë elektrike janë minimale, ato përbëjnë një barrë të madhe për familjen.

Shoqata Humanitare Bamirësit Struganë ju drejtohet me thirrjen humanitare për B.B. nga fshati Dollogozhdë, baba i dy fëmijëve, i cili për shkak të gjendjes së tij shëndetësore (I802 – tromboflebit i thellë në gjymtyrët e poshtme) nuk është në gjendje të punojë dhe të sigurojë kushtet bazë për familjen. Fatura e energjisë elektrike është një barrë e papërballueshme për të. Ftojmë çdo person me mundësi që të kontribuojë në pagesën e kësaj fature, duke u bërë shkak që kjo familje të mos mbetet pa një nevojë jetike. Çdo ndihmë, sado e vogël, bën dallim të madh

Një nënë e re që kujdeset e vetme për djalin e saj 10-vjeçar po përballet me vështirësi financiare. Ajo bën gjithçka që atij të mos i mungojë asgjë, por nuk mund të përballojë faturën e rrymës. Kush ka mundësi dhe dëshirë, mund të ndihmojë në shlyerjen e saj. Çdo ndihmë ka vlerë të madhe. Faleminderit!

Ju ftojmë të bëhemi bashkë për të ndihmuar një familje treanëtarëshe nga komuniteti ynë. Kjo familje jeton me të ardhura minimale, të siguruara nga kryefamiljari, i cili përballet çdo ditë me vështirësi të mëdha për të punuar, ndërkohë që kujdeset për vajzën e vogël dhe për bashkëshorten që ka probleme serioze me shikimin. Aktualisht, familja ka nevojë urgjente për mbulimin e faturës së energjisë elektrike — një barrë që rëndohet edhe më shumë gjatë dimrit. Me ndihmën tuaj, sado e vogël qoftë, mund t’ua lehtësojmë këtë shqetësim dhe t’u ofrojmë pak ngrohtësi dhe siguri në shtëpinë e tyre.