Në fshatin Novosell, po përfundojnë punimet për shtëpine e re të cilën e morëm persipra për ta ndërtuar, që do të jetë strehë e sigurt dhe e ngrohtë për një familje në nevojë. Ky projekt ka sjellë shumë shpresë dhe energji pozitive në komunitet, dhe tashmë jemi pranë fundimit.

Për të kompletuar këtë shtëpi, na nevojiten ende disa elementë të rëndësishëm: pllaka, llaminat, dera e hyrjes, kuzhina me të gjitha elementet, mobilje të ndryshme, pajisje për banjo dhe dhoma gjumi për fëmijët. Secili prej këtyre elementëve do të ndihmojë që kjo shtëpi të shndërrohet në një ambient ku familja do të ndihet e vlerësuar dhe e mbështetur.

Ftojmë të gjithë njerëzit zemërmirë dhe organizatat që dëshirojnë të na mbështesin të na bashkohen në këtë mision human. Çdo ndihmë, qofshin donacione materiale apo financiare, është shumë e mirëpritur dhe do të bëjë ndryshimin për këtë familje.

Bashkë mund të sjellim ngrohtësinë e një shtëpie në jetën e tyre dhe të ndajmë shpresën për një të nesërme më të mirë.

Ju falënderojmë për mbështetjen tuaj!

Shoqata Humanitare Bamirësit Struganë po i afrohet përfundimit të një tjetër aksioni humanitar.

Jemi në fazën përfundimtare të renovimit të shtëpisë së një familjeje 6-anëtarëshe në fshatin Jabllanic, ku 4 prej anëtarëve janë fëmijë nën 10 vjeç.
Falë mbështetjes së donatorëve tanë dhe përkushtimit të vullnetarëve, jemi shumë pranë që t’i dhurojmë kësaj familjeje një strehë më të ngrohtë dhe më të sigurt.

Ftojmë të gjithë ata që dëshirojnë të kontribuojnë në përmbylljen e këtij projekti, të na kontaktojnë ose të bëhen pjesë e nismave tona në vazhdim.